Դերասաններ Վաչե Թովմասյանի և Կարեն Կարագուլյանի մասնակցությամբ «Անորա» ֆիլմն արժանացել է Կաննի 77-րդ կինոփառատոնի «Ոսկե արմավենի» մրցանակին։ Ֆիլմի ռեժիսորն ամերիկացի Շոն Բեյքերն է։
Կարագուլյանը նաեւ ֆիլմի սցենարի համահեղինակն ու համապրոդյուսերն է: Դերերում են նաեւ Մայքի Մեդիսոնը, Մարկ Էյդելշտեյնը, Յուրա Բորիսովը եւ ուրիշներ:
Կարագուլյանը ֆիլմում մարմնավորում է Թորոսին, իսկ Թովմասյանը՝ Գառնիկին:
Ֆիլմի պատմության հիմքում Բրուքլինից երիտասարդ մերկապարուհու եւ ռուս օլիգարխի որդու ամուսությունն է, որը սպառնալիքի տակ է հայտնվում, երբ փեսացուի ծնողները մեկնում են Նյու Յորք՝ ստիպելու չեղյալ հայտարարել ամուսնությունը:
«Ոսկե արմավենի»-ն այս հեղինակավոր փառատոնի գլխավոր մրցանակն է։
