«Հայաստան» դաշինքի առաջնորդ Ռոբերտ Քոչարյանին անձեռնմխելիությունից զրկելու վերաբերյալ դատախազի միջնորդությունը ԿԸՀ-ն կքննի վաղը` ժամը 15:00-ին, հայտնում են ԿԸՀ-ից։
ՀՀ գլխավոր դատախազությունը դիմում էր ներկայացրել ԿԸՀ՝ Ռոբերտ Քոչարյանի նկատմամբ քրեական հետապնդում հարուցելու համաձայնություն ստանալու նպատակով:
Հունիսի 14-ին իրավապահները «Զվարթնոց» օդանավակայանում թույլ չէին տվել Ռոբերտ Քոչարյանին լքել երկրի տարածքը։ Նրա գրասենյակը հայտարարել էր, որ այցը վաղօրոք պլանավորված էր, կրում էր անձնական բնույթ և պետք է տևեր երեք օր։
Ռոբերտ Քոչարյանի գրասենյակի ղեկավար Բագրատ Միկոյանը հայտնել էր, որ նոր քրեական գործի մասին տեղեկություն չունեն, և երկրորդ նախագահը որևէ գործով չի հարցաքննվել։
