Հռիփսիմե Գրիգորյանը դեռ առաջին դասարանից հստակ որոշել էր, որ բժիշկ է դառնալու և շարունակելու է մայրիկի ճանապարհը։ Երևանի Մ. Հերացու անվան պետական բժշկական համալսարանը գերազանցությամբ ավարտելուց հետո աշխատել է տարբեր բժշկական կենտրոններում որպես բժիշկ-գինեկոլոգ-էնդոկրինոլոգ-ռեպրոդուկտոլոգ, մի շարք գիտական աշխատանքների հեղինակ է։
Վերարտադրողական բժշկության հայկական ասոցիացիայի, վերարտադրողական բժշկության և սաղմնաբանության եվրոպական և վերարտադրողական բժշկության ամերիկյան ասոցիացիաների անդամ է։ 2021-ին արժանացել է «Առաջատար և վստահելի բժիշկ» մրցանակին։