«Սահմանամերձ գյուղերում սոցիալական խնդիրների լուծմանը զուգահեռ բնակիչներին պետք է տրամադրվի նաև հոգեբանական աջակցություն»,– «Ռադիոլուրի հյուրասրահ»–ում ասել է սահմանային լարվածության օրերին՝ որպես հոգեբան իր մասնագիտական առաքելությունը Տավուշում իրականացրած Անի Ենգիբարյանը։
Նա կարծում է, որ տարածաշրջանում հոգեբանների մասնագիտական առաքելությունները պետք է ակտիվ լինեն։ Տավուշի մարզպետարանի հետ տեղաբնակ մասնագետներին գտնելու և նրանց վերապատրաստելու քայլեր են նախատեսել։ Իսկ մինչ այդ Չինարիում և Այգեպարում բնակվող 10 ընտանիքի հետ հոգեբաններն արդեն սկսել են աշխատել։