ԿարևորՀասարակություն
Մեզնից յուրաքանչյուրի անհատական վարքագծով պետք է հաղթահարենք այս անորոշ վիճակը․ վարչապետ
«Մեր առողջապահական համակարգն այսօր հրաշքներ է գործում: Մարդիկ հուսահատ, մահամերձ վիճակից վերադառնում են կյանքին»,- պարետատան նիստից հետո կայացած ճեպազրույցում ասել է ՀՀ վարչապետ Նիկոլ Փաշինյանը։
Ըստ նրա՝ մեր խնդիրն է այնպես անել, որ առողջապահական համակարգի կարողությունները չսպառվեն:
«Կառավարությունը ոչ մի միջոց չի խնայի հզորությունների զարգացման համար, բայց մյուս կողմից մեզնից յուրաքանչյուրի անհատական վարքագծով, հակահամաճարակային շարժմամբ պետք է հաղթահարենք այս անորոշ վիճակը»,- ասել է Փաշինյանը:
Վարչապետի խոսքով՝ ինքը պարտավոր է հավատալ ՀՀ քաղաքացու վարքագծով սարեր շուռ տալու հնարավորությանը և հավատում է ժողովրդին։
