«Շատ գիտակ մարդիկ կասեն՝ եթե կա հանք, այն պետք է շահագործվի։ Բայց պետք է նաև հասկանալ՝ կան ապրելատեղեր ու կան աշխատելու տեղեր», – ասում է «Ենոքավանի հանրապետություն» հաղորդման հեղինակ Արտակ Չիբուխչյանը՝ խոսելով Հայաստանի հանքավայրերը շահագործելու վտանգների մասին։
Արտահանում ենք մեր երկրի հանքանյութը մեկ այլ երկրում մշակելու համար ՝ ասում է Չիբուխչյանը ու նկատում․ «Շվեյցարիան հանքավարեր չունի, բայց այդ երկրում պահվում է ավելի շատ մաքուր երկաթ, քան Հայաստանում։ Թող մեկ այլ երկրում կորզեն հանքանյութը ու մշակել Հայաստանում, ի՞նչու է հակառակը արվում»։
Եթե Հայաստանի բոլոր հանքերը շահագործենք, ապա մեր երկիրը կդարձնենք շատ գեղեցիկ, հրաշալի տեսքով հանքավայր, մենք դա՞ ենք ուզում ՝ հարցնում է Չիբուխչյանը։ Նրա համոզմամբ՝ Ամուլսարը շահագործելու դեպքում կկորցնենք Ջերմուկը, որը Հայաստանի առողջարանային բրենդն է, ինչպես Բորժոմին Վրաստանի կամ Կառլովի Վարին՝ Չեխիայի համար։
«Նույն տրամաբանությամբ եկեք
շահագործենք Արարատը։ Հաստատ հանածո կլինի
այնտեղ», – ասում է Չիբուխչյանը: