Ստրասբուրգում այսօր մեկնարկում է ԵԽԽՎ աշնանային նստաշրջանը, որը Հայաստանի համար կարևոր է այնքանով, որ առաջինն է Հունգարիայի կողմից մարդասպան Սաֆարովին Ադրբեջանին արտահանձնելուց ու դրան հաջորդած զարգացումներից հետո: Ի դեպ հայկական պատվիրակությունը` Դավիթ Հարությունյանի գլխավորությամբ, արդեն Ստրասբուրգում է, բայց` ոչ ամբողջական կազմով: ԲՀԿ-ական Նաիրա Զոհրաբյանն ու Վահե Հովհաննիսյանը, ինչպես նաև անրապետական Արփինե Հովհաննիսյանը ԵԽԽՎ-ի նստաշրջանում հայկական պատվիրակությանը կմիանան միայն հաջորդ օրը` հոկտեմբերի 2-ին:
