լրացված 15.24
Ռուսաստանի հայերի միության նախագահ Արա Աբրահամյանը կուսակցություն ստեղծելու որոշում է կայացրել: «Կուսակցության ծրագրերի և գաղափարների մշակման ուղղությամբ աշխատում է հսկայական թիմ ոչ միայն Ռուսաստանից, այլև արտերկրից»,- այսօր ԳԱԱ դահլիճում տեղի ունեցած մամուլի ասուլիսի ժամանակ հայտարարել է Ռուսաստանի Հայերի միության նախահագհը:
Արա Աբրահամյանի խոսքով՝ կուսակցություն ստեղծելու իր ծրագրերը քննարկել է հանրապետության նախագահ Սերժ Սարգսյանի հետ: «Սերժ Սարգսյանն ինձ ասաց՝ ինչու չէ, ստեղծեք, եթե որոշել եք Հայաստանին օգտակար լինել, փորձեք»։
Ռուսաստանի հայերի միության նախագահ Արա Աբրահամյանը պատրաստվում է մասնակցել խորհրդարանական ընտրություններին, նոր ստեղծվելիք կուսակցության միջոցով,կամ էլ որևէ կուսակցության միանալով: Արա Աբրահամյանն ասում,է որ դեռ չեն կողմնորոշվել ու հստակ չեն որոշել ,թե նոր ստեղծվելիք կուսակցության հիմքում ինչ գաղափարախոսություն է լինելու,քանի որ մինչև մարտ ամիս դեռ ժամանակ ունեն: «Կուսակցության գաղափարախոսության վրա աշխատում են`այն էլ մեծ թվով մարդիկ»,-հավաստիացնում է Աբրահամյանը:
Աբրահամյանը ասում է, որ նման որոշում է կայացրել,քանի որ Հայաստանում խնդիրները շատ են,տնտեսական քաղաքական ու սոցիալական, որոնք լուծում են պահանջում,բացի դա վերջին 25 տարիների ընթացքում զբաղվել է տարբեր արտաքին խնդիրներով ՌԴ-ում, ունի և՛ գիտելիքներ, և՛ կապեր և՛, ամենակարևորը, պրակտիկ փորձ:
Լրագրողներին էլ հորդորոմ է կուսակցություն ստեղծելու իր մտադրություն մեջ բիզնես տարրեր չփնտրել ու կիսահեգնական տոնով նկատում.« Ձեր ֆանտազիան չի հերքի, թե ինչքան մեծ բիզնես անելու տեղ ունեմ ես»:
«Այնպես չէ, որ ես աշխատանք եմ փնտրում: Այնպես չէ, որ գիշերը չեմ քնել ու որոշել եմ գալ Հայաստան կուսակցություն ստեղծել: Երբ տեսնում եմ, թե ինչ վիճակի մեջ է իմ երկիրը, որոշել եմ կարճ ժամանակում փորձել կազմել մի այնպիսի ծրագիր, որը կարող է հայ ժողովուրդը ընդունի»:
Հարցին` թե վերջին հինգ տարիներին նա չի բնակվել ՀՀ-ում, հետևաբար ինչպես է պատրաստվում մասնակցել ընտրություններին, քանի որ գործող օրենքը դա թույլ չի տալիս`Արա Աբրահամյանը հավաստիացնում է,որ բոլոր օրենքներից էլ տեղյակ է,ու գիտի, որը որից հետո է ,ունի 250-300 իրավաբաններ, որոնք աշխատում են իր համար ովքեր շատ լավ հասկանում են, թե ինչ իրավունքներ ունի, ինչ չունի: Ի դեպ, վերջինս մի քանի անգամ շեշտեց, որ իր փորձը ու անցած ճանապարհը թույլ է տալիս իրեն գնալու այդ քայլին: Նա կարողացել է ստեղծել այնպիսի կառույց, որը սկսած ՌԴ նախագահից մինչև տարբեր հասարական կազմակերպությունների կողմից արժանաում են ամենաբարձր գնահատականի: «Մի խոսքով, ինչ անում եմ, իմ ժողովրդի ու հայրենիք համար եմ անում»:
Լրագրողները հիշեցերեցին նրան թե նույն կերպ հայտարարում էր նաև ԲՀԿ հիմնադիր նախագահ Գագիկ Ծառուկյանը, ում իշխանությունները պարզապես դուրս հրավիրեցին քաղաքականությունից` հետևաբար ինչ երաշխիքներ ունի Արա Աբրահամանը, որ նույն ճակատագիրին ինքը չի արժանանալու:
«Գագիկ Ծառուկյանը մեր շատ լավ ընկերն է, իհարկե, հաշվի ենք առնում ամեն ինչ — Ծառուկյանի կատարած որոշումներն իր որոշումներն են, դա մենք հաշվի առնում ենք, մենք բոլորս ուղղակի պատմությունից դասեր չենք քաղում, եթե որոշում լինի, գնալու ենք ու մասնակցենք ընտրություններին: Եթե ուզենայի որևէ մեկին նմանված լինեի, կարող է Մալիշկայից մինչ Արարատյան դաշտավայր հասնեի…. Իմ անցած ճանապարհը նման չէ որևէ մեկի անցած ճանապարհին, չնայած չեմ ուզում որևէ մեկին արժեզրկել»:
Արա Աբրահամյանի խոսքից պարզ դարձավ, որ քաղաքականություն մուտք գործելու համար ունի բոլոր «թույլտվությունները»:
«Կուսակցություն ստեղծելու ծրագրերը քննարկել եմ Սերժ Սարգսյանի հետ: Ինձ ասաց՝ ինչու չէ, ստեղծեք, եթե որոշել եք Հայաստանին օգտակար լինել, փորձեք»։
Ի դեպ, Արա Աբրահամյանը նշեց, որ որևէ մեկին չի քննադատելու, էլ ուր մնաց իշխանափոխություն իրականացնելու: Իրենք պարզապես գալիս են խնդիրներ լուծելու ու ազգը փրկելու` օրհասական վիճակից: Նկատենք, որ Արա Աբրահամյանին խիստ վրդովեցնում էր գրեթե յուրաքանչյուր լրագրողի յուրաքանչյուր հարց, որը վերաբերվում էր քաղաքականությանը ու զարմանում էր թե Ռուսատանի հայերի միության 15 ամյակն է ու փոխարեն հարցերը լինեն այդ ոլորտից` հարցնում են քաղաքակնությունից, այն դեպքում երբ ինքը հսկայածավալ աշխատանք է կատարել այդ ոլորտում: