Գիտա Էլիբեկյան
«Ռադիոլուր»-Թբիլիսի
«Վրաստանի էթնիկ ու կրոնական բազմազանությունը մեր հարստությունն է և մենք պետք է ամեն ինչ անենք այն պահպանելու համար»: «Ռադիոլուրի» հետ զրույցում ասել է Վրաստանի օմբուդսմեն Ուչա Նանուաշվիլն, ով Վրաստանի ազգային թանգարանում բացել է «էթնիկ և կրոնական բազամազանությունը վրացական արվեստում» խորագրով ցուցահանդեսը: Այն մոտ մեկ ամիս ներկայցնելու է Վրաստանի էթնիկ փոքրամասնությունների մաս կազմող նկարիչների գործերը:
Թբիլիսիահայ նկարիչ Մերուժան Շահումյանը ցուցահանդեսին ներկայացված է իր հոգևոր թեմաներով արված գործերով: «Իմ Կարծիքով ես դեռ չծնված նկարում էի»,- խոստավանում է Շահումյանը, հավելելով, որ սակայն մանրանկաչությունն իր մեջ ծնվեց 1988-ի երկրաշարժից հետո. «Իմ գործերը հիմնականում ավետարանի մանրկարներն են, ավետարանի պատկերազարդումն ու սրբապատկերներ: Իմ նկարչությունը նվիրված է Աստծուն: Այն աղոթք է. աղոթք մեր ժողովրդի համար, ընտանիքիս համար, աղոթք խախաղության համար…»:
Մերուժան Շահումյանը Վիրահայոց թեմին կից գործող «Վիրահայ նկարիչների միության» նախագահն է: Ասում է` այսօր էլ ունենք հիանալի նկարիչներ, ովքեր շարունակում են ստեղծագործել, փորձելով վառ պահել Թիֆլիսի հայ նկարչության երբեմն փառքը:
Իսկ այն, որ հայկական նկարչությունն այստեղ մեծ զարգացում է ապրել, ապացուցում է նաև Վրաստանի Ազգային թանգարանում բացված ցուցահանդեսը: Այստեղ վրացի, ռուս, հրեա, եզդի հայտնի նկարիչների գործերի կողքին ներկայացված են նաև վիրահայ հայտնի նկարիչների աշխատանքները` Գայանե Խաչատուրյան, Սերգեյ Փարաջանով, Բաժբեուկ Մելիքով, Լև Բայախչեվ և այլք:
Ցուցահանդեսը միավորում է տարբեր ազգության ու կրոնական պատկանելիության մարդկանց, ովքեր ապրել ու ստեղծագործել են կողք կողքի մի քաղաքում, նկատում է Ազգային թանգարանի ցուցահանդեսների կազմակերպիչ Լեյլա Ցիցուաշվիլին:
«Ամեն մի նկար իր ուրույն պատմությունն է ներկայացնում: Սա ուղղակի ցուցհանդես չէ. այն պատմում է թե ինչպես են անկախ իրենց էթնիկ ու կրոնական տարբեր պատկանելիությունից, ազգային փոքրամասնությունների ներկայացուցիրները ապրել ու ստեղծագործել այստեղ` չմոռանալով իրենց ավանդույթները: Այդ պատճառով էլ մենք այսօր տեսնում ենք այդ բազմամզանությունը»:
Վրաստանի Մարդու իրավունքների պաշտպան Ուչա Նանուաշվիլն նշում է` « հենց այդ բազմամզանությունն էլ մեր հարստությունն է, ինչը մենք պետք է պահպանենք»:
Ցուցահանդեսը նվիրված է Վրաստանի օմբուդսմենի գրասենյակին կից գործող Հանդուրժողականության կենտրոնի ստեղծման տասնամյակին: 10 տարի այս կենտրոնը պաշտպանում է ազգային փոքրմասնությունների իրավունքները: Այս ընթացքում բազմաթիվ միջոցառումներ են իրականցվել, սակայն խնդիրը դեռևս արդիական է: Խոստովանում է Վրաստանի օմբուդսմենը:
