Մատենադարանի միջազգային ներկայությունն ընդլայնվում է։ 3-րդ Հայագիտական միջազգային կոնգրեսի շրջանակում Մատենադարանի և Լեհաստանի Հայկական ինստիտուտի միջև ստորագրվել է համագործակցության հուշագիր։ Փաստաթղթով սահմանվում են երկկողմ գործակցության հիմնական ուղղություններն ու առաջնահերթությունները։
Մատենադարանի տնօրենն ընտրվել է Լեհաստանի Յագելոնյան համալսարանի Սադոկ Բարոնչի անվան Հայագիտական կենտրոնի հոգաբարձուների խորհրդի անդամ։
Առաջիկայում Մատենադարանից կենտրոն կուղարկվեն շուրջ 600 անուն հայագիտական գրքեր։
