Հուլիսի 13-ին ՄԹ-ում ՀՀ դեսպան Վարուժան Ներսեսյանը հանդիպել է Միջազգային ծովային կազմակերպության գլխավոր քարտուղար Արսենիո Դոմինգեսի հետ, հայտնում են ՄԹ-ում ՀՀ դեսպանությունից։
Հանդիպման ընթացքում դեսպան Ներսեսյանը փոխանցել է ՀՀ կառավարության հրավերը գլխավոր քարտուղար Դոմինգեսին՝ մասնակցելու Երևանում կայանալիք Կենսաբանական բազմազանության մասին կոնվենցիայի Կողմերի համաժողովի 17-րդ նիստին (COP17):
Զրուցակիցները մտքեր են փոխանակել նաև տարածաշրջանային և աշխարհաքաղաքական զարգացումների շուրջ:
