Իրանական պետական «IRNA» լրատվական գործակալությունը հրապարակել է Իրանի նախագահ Մասուդ Փեզեշքիանի լուսանկարները՝ ձեռքին Միացյալ Նահանգների հետ ստորագրված հուշագիրը։
Լուսանկարներից մեկում նրա մի ձեռքին երկու երկրների ղեկավարների ստորագրած փաստաթուղթը անգլերեն է, իսկ մյուսում՝ պարսկերեն։
Իրանն ու Միացյալ Նահանգները հունիսի 18-ի գիշերը հուշագիր են ստորագրել, որի նպատակն է վերջ դնել փետրվարի 28-ին սկսված ռազմական հակամարտությանը։ Փաստաթղթով սահմանվում են նաև այն ժամկետները, որոնց ընթացքում ԱՄՆ-ն պետք է վերացնի ծովային շրջափակումը, իսկ Իրանը՝ վերականգնի նավագնացությունը Հորմուզի նեղուցում։
Բացի այդ, Իրանը պարտավորվում է միջուկային զենք չստեղծել, իսկ իրանական միջուկային ծրագրի հարցը պետք է կարգավորվի առանձին համաձայնագրով։ Կողմերն այս հարցի շուրջ բանակցություններ կվարեն 60 օրվա ընթացքում։ Թեհրանի համար գործընթացի ակնկալվող արդյունքը Իրանի դեմ սահմանված պատժամիջոցների չեղարկումն է։
