ՌԴ Չուվաշիայի Հանրապետության մայրաքաղաք Չեբոքսարին հրթիռային հարձակման է ենթարկվել չորեքշաբթի՝ հունիսի 10-ի վաղ առավոտյան, Telegram-ի իր ալիքում հայտարարել է Չուվաշիայի ղեկավար Օլեգ Նիկոլաևը։
«Զոհերի և վնասված ենթակառուցվածքների թիվը ներկայումս ճշտվում է»,- գրել է Նիկոլաևը։
Նա չի նշել, թե որ ենթակառուցվածքներն են թիրախավորվել։ Կարճ ժամանակ անց Չուվաշիայի ղեկավարը հայտնել է, որ հարձակման հետևանքով երեք մարդ վիրավորվել է, նրանց կյանքին վտանգ չի սպառնում։
Մոտավորապես ժամը 7:20-ին Չեբոքսարիի քաղաքապետ Ստանիսլավ Տրոֆիմովն է հայտնել, որ քաղաքում դեռ կա հրթիռային սպառնալի, արտակարգ ծառայությունները շարունակում են աշխատել բարձր պատրաստվածության ռեժիմով։
VNIIR-Progress-ը ռելեային տեխնիկայի համառուսաստանյան հետազոտական ինստիտուտ է, որը զբաղվում է ռելեային պաշտպանության համակարգերի և ենթակայանների ավտոմատ կառավարման համակարգերի փորձնական արտադրությամբԼ Այն նաև ցածր, միջին և բարձր լարման էլեկտրական սարքավորումների ռուսական առաջատար արտադրող է։
