Հայաստանի Պաշտպանութեան նախարարութիւնը կը հաղորդէ , որ գիշերը ժամը 22:55-էն մինչեւ 12:45, Ատրպէյճանի Զինուած ուժերը տարբեր տրամաչափի հրաձգային զէնքերով կրակած են Վերին Շորժա եւ Սոթք հատուածին տեղակայուած հայկական դիրքերուն ուղղութեամբ: Հայկական կողմէն տուժածներ չկան։
Յաջորդ շաբաթ Ուաշինթընի մէջ պիտի հանդիպին Հայաստանի եւ Ատրպէյճանի Արտաքին գործոց նախարարներ Արարատ Միրզոյեանն ու Ճէյհուն Պայրամովը։ Կառավարութեան նիստի ժամանակ յայտարարեց Հայաստանի վարչապետ Նիկոլ Փաշինեան։
Ամերիկայի Քոնկրեսի 54 ներկայացուցիչներ նամակ յղած են պետական քարտուղար Էնթոնի Պլինքընին՝ պահանջելով Ամերիկայի նախագահ Ճօ Պայտընի վարչակազմէն դադրեցնել ռազմական օգնութիւնը Ատրպէյճանին եւ աջակցիլ Արցախին, հաղորդագրությունը տարածեց Ամերիկայի Հայ դատի յանձնախումբը։
