Հայերին ոչնչացնելու Թուրքիայի ՆԳՆ հրամանները․ «Հայկական հարց»

Առաջին աշխարհամարտից հետո Կ․Պոլսում տեղի ունեցան բարձրաստիճան երիտթուրք պաշտոնյաների դատավարություններ։

Դատարաններում այդ ռազմական հանցագործները նշում էին, որ իրենք կատարել էին ներքին գործերի նախարարության ներկայացուցիչների միջոցով ստացած գաղտնի հրամանները։

Հայոց ցեղասպանության իրականացման համար հատկապես կարևոր էր 1915-ի մայիսի 27-ին ընդունված տեղահանության ժամանակավոր օրենքը, որն իրավական հիմքերի վրա էր դնում արևմտահայության ոչնչացման արդեն սկսված պետական ծրագիրը։

Թեմային է անդրադառնում Հայոց ցեղասպանության թանգարան-ինստիտուտի համեմատական ցեղասպանագիտության բաժնի գիտաշխատող Ռեգինա Գալուստյանը։ «Մեծ եղեռնի երիտթուրքական ծրագիրը»՝ մաս 2-րդ։