Գերմանիայում ապրող հայ, հույն և ասորի երիտասարդները «Երբեք չենք մոռանա» վերնագրով երգ են թողարկել։ Այն բոլոր ժամանակների ցեղասպանությունների և դրանց կանխարգելման մասին է։
Հայերեն խոսքերի հեղինակը գերմանաբնակ Թագուհի Հովսեփյանն է, հայերենով երգը կատարում է Գերմանիայում ծնված Եկշա Բաքրջյանը։
«Մենք պետք է խոսենք ու երգենք Հայոց ցեղասպանության ու բոլոր ցեղասպանությունների մասին, քանի դեռ աշխարհը չի կանխել նոր ցեղասպանությունները»,- ասում է։
Ինչ վերաբերում է Գերմանիայում երգի տարածման մասին, զրուցակիցս ասում է, որ ոչ գերմանական ռադիոկայանները, ոչ էլ հեռուստընկերությունները երգը ներկայացնելու պատրաստակամություն չեն հայտնել։
Հակառակը՝ Գերմանիայում գործող թուրքական լոբբին ամեն ինչ արել և անում է ցեղասպանությունների մասին երգերը, պատմությունները չեղարկելու ուղղությամբ, ցավով նշում է Եկշան։
«Ամենամեծ բացը գերմանական հասարակության և քաղաքականության մեջ, դպրոցներում ցեղասպանության մասին չխոսելն է»,- փաստում է նա։
Հույն երգիչ Միխայլիս Կակուլիդիսն ու ասորուհի Նինուան նույնպես համոզված են, որ իրենց ժողովուրդների ու երկրների ճակատագրերը ապագայում ավելի կայուն տեսնելու համար պետք է այսօր աշխարհը ճանաչի ցեղասպանությունները՝ դրանք կանխարգելելու համար։