Թաներ Աքչամը կարծում է, որ Հայոց ցեղասպանության տարիներին թուրքական իշխանությունները տեղահանության միջոցով ցանկացել էին անել այնպես, որ արևմտահայերի թիվը չանցներ ընդհանուր բնակչության թվի 5-10%-ը։
Նրա տեսակետի համաձայն՝ հենց այդքան հայերի չէին տեղահանել և թողել էին տեղերում՝ հետագայում մահմեդականացնելու նպատակով։
Մասնագետները, սակայն, Աքչամի ուսումնասիրություններում նկատում են հակառակն ապացուցող բազմաթիվ փաստեր ու փաստաթղթեր։
Ասենք՝ 1915 թվականի մայիսի 27-ին ներքին գործերի նախարար Մեհմեդ Թալեաթի հեռագիրն՝ ուղղված Էրզրումի նահանգապետին, որտեղ կարգադրում էր որևէ հայի չթողնել այդ նահանգում։
Ահմեդ Ջեմալ փաշա Թաներ Աքչամ
Թալեաթը նույն բովանդակությամբ հեռագրեր էր ուղարկել նաև Խարբերդի, Սեբաստիայի, Տիգրանակերտի նահանգապետներին։ Սիրիայի և Միջագետքի անապատներ տեղահանված հայերին կրկնակի տեղահանության և կոտորածի են ենթարկում Ահմեդ Ջեմալ փաշայի հրամանով։
Թեմային է անդրադառնում ԳԱԱ պատմության ինստիտուտի Հայոց ցեղասպանության և Հայկական հարցի պատմության բաժնի վարիչ, պատմական գիտությունների դոկտոր, պրոֆեսոր Արմեն Մարուքյանը: «Տարհանել և ոչնչացնել հայությանը»՝ մաս 5-րդ:
