Հայաստանում ծրագրված են լայնածավալ շինարարական աշխատանքներ՝ Հյուսիս-Հարավից մինչև ջրամբարաշինություն: Սա կնպաստի շինարարության ոլորտի զարգացմանը, որը մոտ տասը տարի է, ինչ միայն անկում է գրանցում:
Հայաստանում շինարարությունը սեզոնային բնույթ է կրում: Վարչապետ Կարեն Կարապետյանը օրերս հանձնարարեց ուսումնասիրել միջազգային փորձն ու այնպես անել, որպեսզի շինարարական աշխատանքները նաև ձմռանը շարունակվեն:
«Ռադիոլուրի» զրուցակիցը՝ ճարտարապետության և շինարարության Հայաստանի ազգային համալսարանի ռեկտոր, Շինարարների միության նախագահ Գագիկ Գալստյանը պնդում է՝ Հայաստանում որևէ խնդիր չկա, հնարավոր է ցանկալի շինարարությունը նաև ձմռանը կազմակերպել:
Միայն նշում է, որ աշխատանքները ձմռանը կազմակերպելու համար ծախսերը մոտ մեկ տոկոսով ավելանում են: Շինարարների միության նախագահը դժվարանում է պատասխանել հարցին, թե ինչու է ձմռանը ընդհատվում Հյուսիս- Հարավ ճանապարհային միջանցքի շինարարությունը՝ գոնե այն հատվածներում, որտեղ խիստ ձմեռ չէ:
Իսկ ոլորտում մասնագետների խնդիրներ ունենք, որոնք շատ արագ է պետք լուծել:
Մասնագետները պնդում են՝ տնտեսության զարգացման կարևորագույն ցուցիչը շինարարությունն է: Մեզ մոտ, սակայն, մոտ տասը տարի է, ինչ այն չի զարգանում: Տնտեսագետները շինարարական բումից հետո ոլորտի այս վիճակը տարբեր կերպ են մեկնաբանում: Տնտեսագետ Վահագն Խաչատրյանը մեզ հետ զրույցում նշում է, որ տնտեսության զարգացման հիմքում նաև շինարարության զարգացումն է դրված:
ԱՎԾ տվյալների համաձայն, այս տարվա առաջին կիսամյակում էլ շինարարության ոլորտում մոտ 9 տոկոս անկում է գրանցվել: Չվերականգնվող ոլորտի ճակատագիրը Հայաստանի վարչապետին է անհանգստացրել: Կարեն Կարապետյանը ոլորտի զարգացման համար փորձում է կարծրատիպերը կոտրել.
Պարզվում է՝ երկար տարիներ Հայաստանում շինարարությամբ նաև ձմռանն են զբաղվել: Ավելին, ճարտարապետության և շինարարության Հայաստանի ազգային համալսարանի ռեկտոր, Շինարարների միության նախագահ Գագիկ Գալստյանի խոսքով, ձմեռանն արված շինարարությունն ավելի որակյալ է լինում, եթե իհարկե ջերմաստիճանը չի գերազանցում 15 աստիճան ցուրտը:
«Ամռանը ջերմաստիճանը շատ խիստ է լինում, ջրային մասը գոլորշիանում է, անգամ ջրային հատկությունից զրկվում է բետոնը և ամրանալու հատկությունից զրկվում: Ձմռանը որակն ավելի լավ է»:
Զրուցակիցս պնդում է՝ Հայաստանում որևէ խնդիր չկա, հնարավոր է և ցանկալի է շինարարությունը նաև ձմռանը կազմակերպել: Միայն նշում է, որ աշխատանքները ձմռանը կազմակերպելու համար ծախսերը մոտ մեկ տոկոսով ավելանում են: Շինարարների միության նախագահը դժվարանում է պատասխանել հարցին, թե ինչու է ձմռանը ընդհատվում Հյուսիս — Հարավ ճանապարհային միջանցքի շինարարությունը՝ գոնե այն հատվածներում, որտեղ ձմեռը խիստ չէ:
«Իսկ ինչու եք էդ հարցը ինձ տալիս, հարցը պետք է ուղղել պատվիրատուին»:
Գագիկ Գալստյանը համաձայն չէ տարածված այն կարծիքի հետ, որ 2008-2009թթ Հայաստանում տնտեսական ճգնաժամը շինարարությունից սկսվեց: Կարծում է, որ պետք է ներդրողների մոտ Հայաստանի վստահությունը վերականգնել: Շինարարների միության նախագահը նշում է՝ այդ տարիների շինարարական բումն այլևս չկա, սակայն նոր նախագծեր են իրականացվելու, այստեղ է, որ մտահոգվելու լուրջ առիթ կա:
Եթե այս պահին խնդիրը չլուծվի, հաջորդ տարի արդեն լուրջ խնդիրների առջև կկանգնենք: «Ռադիոլուրի» զրուցակիցը չի կիսում տարածված այն կարծիքը, թե հայաստանում դժվար է աշխատանք գտնելը: Գագիկ Գալստյանը նաև համամիտ չէ մեր այն դիտարկման հետ, որ աշխատավարձերն են ցածր և այդ պատճառով է, որ աշխատող գտնելու խնդիր ունեն:
Մասնագետների պակասը կլուծվի՝ վստահ է Շինարարների միության նախագահը, սակայն դրա համար ժամանակ է պետք: Կայուն աշխատատեղ լինելու դեպքում անգամ Հայաստանից հեռացած մասնագետները կվերադառնան՝ ամփոփում է Շինարարների միության նախագահ Գագիկ Գալստյանը:
