Գերմանիայի կանցլեր Անգլեա Մերկելն այսօր մեկնել է Թուրքիա` մասնակցելու ՄԱԿ-ի հումանիտար գագաթաժողովին:
Ըստ «Ակօս»-ի` կեսօրից հետո նա հանդիպում կունենա երկրի նախագահ Էրդողանի հետ:
Ղեկավարները կքննարկեն փախստականների, Թուրքիայում պատգամավորներին անձեռնմխելիությունից զրկելու, մամուլի ազատության, քրդական, Թուրքիայի` ԵՄ անդամակցության գործընթացի մասին հարցեր, ինչպես նաև հունիսի 2-ին գերմանական խորհրդարանում Հայոց ցեղասպանության ճանաչման վերաբերյալ օրինագիծը:
Նշվում է, որ կբարձրացվի նաև երկու երկրների միջև դիվանագիտական սկանդալի պատճառ դարձած բանաստեղծության հարցը:
