Փարիզից ԱՄՆ թռիչք իրականացնող Air France ավիաընկերության երկու ինքնաթիռներ ստիպված են եղել փոխել ուղղությունը՝ պայթյունի սպառնալիքի պատճառով, գրում է լենտա,ռու-ն հղում անելով The New York Daily News-ին:
Լոս Անջելեսից Ֆրանսիա մեկնող A-380 ինքնաթիռը իր ուղղությունը փոխել է դեպի Սոլթ-Լեյք-Սիթիի միջազգային օդանավակայան՝ ենթադրյալ ռումբի մասին ազդանշան ստանալուց հետո: KSL հեռուստաալիքի փոխանցմամբ ինքնաթիռում եղել է 497 ուղևոր:
«Իրավապահ մարմինները բավականին լուրջ են վերաբերվում ցանկացած սպառնալիքի, այդ պատճառով էլ համապատասխան կերպ են արձագանքում»,- հայտնել է ՀԴԲ գործակալ Թոդ Փալմերը:
Վաշինգտոնից Փարիզ մեկնող մեկ այլ ինքնաթիռն էլ՝ Boeing 777-ը հարկադիր վայրէջք է կատարել Գալիֆաքսի օդանավակայանում: Ինքնաթիռում եղել է 298 ուղևոր:
Վերջին տվյալներով՝ երկու ինքաթիռներն էլ հաջող վայրէջք են կատարել, ուղևորները տարհանվել են: Իշխանությունները ստուգում են ռումբի մասին ստացված սպառնալիքների ազդանշանները:
