Հայտարարություններ

Հանրային ռադիոն շարունակում է նոր դեմքեր ու ձայներ փնտրել։ Աշխատանքի այս մրցույթն իսկապես բացառիկ է, որովհետև մրցույթին մասնակցելու համար աշխատանքային մեծ փորձ ու ստեղծագործական ծանրակշիռ «պորտֆոլիո» ունենալ պետք չէ։ ԸՆԴՀԱԿԱՌԱԿԸ. Մրցույթի միակ պայմանը՝ մասնակիցը պետք է որևէ լրատվամիջոցում մեկ տարուց ավելի աշխատած ՉԼԻՆԻ (այստեղ սովորաբար հարցնում են, իսկ եթե ես 3 տեղում, ասենք, կես-կես տարի աշխատել եմ, կարո՞ղ եմ մասնակցել։ ԱՅՈ, կարող եք)։

Մասնակցության համար CV ուղարկել պետք չէ։ Ուղարկեք Ձեր լրագրողական աշխատանքները, եթե այդպիսիք կան՝ աուդիո, վիդեո, տպագիր՝ ցանկացած ժանրի և ձևաչափի, առավելագույնը 3 գործ։ Եթե հրապարակված աշխատանքներ չունեք, մանրամասն նկարագրեք այն 5 թեմաները, որոնք կուզեիք լուսաբանել։ Այլ կերպ ասած՝ 5 նյութի հայտ ուղարկեք: [email protected] էլեկտրոնային հասցեով մեզ այդ ամենն ուղարկելիս՝ վերնագրեք նամակը «Մրցույթ սկսնակ լրագրողների համար», իսկ հենց նամակի մեջ չմոռանաք նշել Ձեր հեռախոսահամարը։

Վերջնաժամկետը 2022 թվականի նոյեմբերի 7:

Մեկնաբան-հաղորդավարները «Ռադիոլուր» ծրագրի դեմքն են: Փոխգործակցելով ծրագրի տնօրենի, խմբագիրների և թղթակիցների հետ կազմում և վարում են լրատվական թողարկումները:

Մեր պատկերացրած իդեալական մեկնաբան-հաղորդավարը նախ և առաջ ռադիո/հեռուստատեսային փորձառու լրագրող է կամ խմբագիր: Ունի համապատասխան ձայնային և առոգանական տվյալներ և հաղորդավարական աշատանքի փորձ:

Մրցույթի առաջին փուլին մասնակցելու համար մինչև սեպտեմբերի 2-ը [email protected] հասցեով հարկավոր է ուղարկել CV և աշխատանքի 3 նմուշ՝ կամ լրագրողական կամ հաղորդավարական (խիստ ցանկալի է երկուսն էլ): Նամակի վերնագրում գրել «Մեկնաբան-հաղորդավար»

Խմբագիրները «Ռադիոլուր» ծրագրի տնօրենի անմիջական ենթակայությամբ գործող առանցքային ղեկավար օղակն են։ Նրանք պատասխանատու են արտադրական ողջ շղթայի համար՝ սկսած լուսաբանվող թեմաների ընտրությունից, վերջացրած որակի նախաեթերային ստուգմամբ։

Մեր պատկերացրած իդեալական խմբագիրը նախ և առաջ ռադիո/հեռուստատեսային փորձառու լրագրող է: Ունի խմբագրական աշխատանքի փորձ։ Արագորեն կողմնորոշվում է երկրի հասարակական-քաղաքական, տնտեսական, մշակութային գործընթացներում։ Ունի ամբողջական պատկերացում Հայաստանի և տարածաշրջանի քաղաքական պատմության վերաբերյալ։ Տիրապետում է աուդիովիզուալ արտադրության և համացանցի գործիքներին։ Լավ կազմակերպիչ է, նախաձեռնող, նորարար և ճկուն։

Մրցույթի առաջին փուլին մասնակցելու համար մինչև օգոստոսի 29-ը [email protected] հասցեով հարկավոր է ուղարկել CV և լրագրողական աշխատանքի 3 նմուշ։ Առաջին փուլը հաղթահարած մասնակիցները կհրավիրվեն հարցազրույցի։