Երևանում տեղացած ուժեղ տեղատարափ անձրևը հերթական անգամ լուրջ խնդիրներ է ի հայտ բերել մայրաքաղաքի ջրահեռացման համակարգում։ «Բարեկամության» մետրոյի գետնանցումը հաշված րոպեների ընթացքում հեղեղվել է՝ վնասելով այնտեղ աշխատող առևտրականների ապրանքն ու գույքը։ Քաղաքի տարբեր հատվածներում արձանագրված հեղեղումները կրկին օրակարգ են բերել անձրևաջրերի և կոյուղու համակարգի հնացած լինելու, ինչպես նաև դրա հիմնովին վերակառուցման անհրաժեշտության հարցը։
