Հայաստանի Հանրապետութեան քննչական կոմիտէն հրապարակեց անյայտ զինծառայողներուն եւ քաղաքացիական անձերուն թիւը , որը 2021 թուականի Յունիս 16-ի դրութեամբ կը կազմէ 275 անձ։ Հայաստանի պաշտպանութեան նախարարի պաշտօնակատար Վաղարշակ Յարութիւնեան հեռախոսակապ հաստատած է Ռուսաստանի պաշտպանութեան նախարար, բանակի զօրավար Սերգեյ Շոյգույին հետ։ Վաղարշակ Յարությունեան նշած է, որ հայկական կողմը յարգանքով կը վերաբերի գործընկեր պետութիւններու եւ կառոյցներու՝ խնդիրը խաղաղ կարգաւորելու կոչերուն, աւելցելով, որ հայկական կողմի դիրքորոշումն անփոփոխ է. Ատրպէյճանի Զինուած ուժերու ներկայացուցիչները պէտք է առանց որեւէ նախապայմանի լքեն Հայաստանի Հանրապետութեան ինքնիշխան տարածքները։ Կողմերը քննարկած են նաեւ Սիւնիքի եւ Գեղարքունիքի մարզերուն՝ հայ-ատրպէյճանական սահմանային հատուածներուն Հայաստանի Զինուած ուժերուն հետ համատեղ ռուս սահմանապահներու տեղակայման հարցը։
Աշխարհի 2022 թուականի առաջնութեան ՝ Սեպտեմբեր 5-ին նախատեսուած Գերմանիա-Հայաստան հանդիպումը պիտի կայանայ Շտուտկարթի մէջ:
