Ապրիլի 1-ին ասորիների Նոր տարին է՝ Հաբ-Նիսանը: Չնայած բոլոր դժվարություններին՝ ասորի ժողովուրդը պահպանել և զարգացրել է ազգային տոնակատարությունները: Եվ այսօր ամբողջ աշխարհի ասորիները հավաքվում են և մի քանի օր շարունակ նշում իրենց Նոր տարին: Հայատանի ասորիները ևս միանում են տոնակատարություններին: Վերին Դվինում, որի բնակչության 70 տոկոսը ասորիներ են, այսօր տոնական էր: Ասորի ժողովրդի 6766-րդ Նոր տարվա կապակցությամբ շնորհավորել է նաև ՀՀ նախագահ Սերժ Սարգսյանը:
Չունենալով պետականություն՝ ասորի ժողովուրդը գոյատևել է մշակույթի շնորհիվ: Այդ առումով ասորի ժողովուրդը շատ կարևորում է ազգային տոները, էթնիկ մշակույթը: Ամբողջ աշխարհի ասորիներն այսօր նշում են ասորական Ամանորը: Սա թերևս մի ավանդույթ է, որն առանձնանում է իր պատմական արժեքով, «Ռադիոլուրի» հետ զրույցում նշեց ասորական համայնքի ներկայացուցիչ, դերասան Ռազմիկ Խոսրոևը:
Նշենք, որ Նոր տարին դիմավորում են ազգային ավանդական ուտեստներով: Օրվա գլխավոր կերակուրը սպասն է, սակայն, ի տարբերություն հայկականի, այն պատրաստվում է 12 տեսակի բանջարեղենով եւ ձավարով, «Ռադիոլուրին» հատնեց Հայաստանի «Աթուր» ասորական ասոցիացիայի նախագահ Արսեն Միխայլովը: Ավանդական մեկ այլ կերակրատեսակի մասին էլ հայտնեց համայնքի ներկայացուցիչ, ուսուցչուհի Ժաննա Աբրաամովան:
Աասորի ժողովրդին 6766-րդ Նոր տարվա կապակցությամբ այսօր շնորհավորել է նաև ՀՀ նախագահ Սերժ Սարգսյանը։
Նշենք, որ Հայաստանի ասորիների մեծամասնությունը բնակվում է Վերին Դվինում, որտեղ հիմնականում զբաղվում են հողագործությամբ, անասնապահությամբ և շինարարությամբ: Վերջին մարդահամարի տվյալներով՝ Հայաստանում 3000 ասորի է ապրում, սակայն, Ռազմիկ Խոսրոևի փոխանցմամբ՝ ոչ պաշտոնական տվյալներով այդ թիվն անցնում է 5000-ը:
