Ապրիլի 17-ը Հեմոֆիլիայի համաշխարհային օրն է: Այն նշվում է 1989 թվականից Հեմոֆիլիայի համաշխարհային ֆեդերացիայի և Առողջապահության միջազգային կազմակերպության նախաձեռնությամբ: Օրը պատահմամբ չի ընդունվել. հենց այս օրն է ծնվել Հեմոֆիլիայի համաշխարհային ֆեդերացիայի հիմնադիր Ֆրենկ Շնայբելը։
Հիվանդությունը ժառանգական բնույթ ունի և անցնում է սերնդից սերունդ, ընդ որում հիվանդանում են միայն տղաները։ Հեմոֆիլիայով տառապող սերնդի կանայք գործնականորեն լինում են առողջ և միայն հիվանդության փոխանցողների դեր են կատարում։ Կին հաղորդիչները հեմոֆիլիան կարող են փոխանցել ոչ միայն իրենց տղա երեխաներին, այլև աղջիկ հաղորդիչների միջոցով նաև տղա թոռներին, ծոռներին և ավելի ապագա սերունդներին։
Այս հիվանդությունների բուժման միակ միջոցը հանդիսանում է անբավավար հակահեմոֆիլային գործոնի փոխներարկումը: Վաղ տարիքից պակաս գործոնի նախապես ներարկումները թույլ են տալիս կանխարգելել արյունահոսությունները, մասնավորապես ներհոդային և մկանային` ամբողջովին բացառելով հաշմանդամությունը:
Վտանգից խուսափելու և լիարժեք ապրելու համար ամեն 10 կգ քաշին անհրաժեշտ է 200 Միջազգային Միավոր հակահեմոֆիլային պատրաստուկ: Նմանատիպ ամեն մի ներարկման արժեքը կազմում է 100-120 դոլլար:
Արտերկրներում հեմոֆիլիան դասվում է ամենից ծախսատար և թանկարժեք հիվանդությունների շարքին:
Ծանր հեմոֆիլիայով հիվանդի հակահեմոֆիլային պատրաստուկի տարեկան պահանջարկը կազմում է շուրջ 72 հազար միջազգային միավոր: Հաշվի առնելով, որ միջազգային շուկայում այդ պատրաստուկի մեկ միավորի արժեքը տատանվում է 0,35 – 0,75 ցենտ, հետևաբար մեկ ծանր հիվանդի տարեկան պահանջարկի արժեքը կկազմի 25 000 – 54 000 ԱՄՆ դոլլարին համարժեք դրամ: Որոշ գնահատականներով այսօր աշխարհում հեմոֆիլիայով հիվանդների քանակը կազմում է 400 հազ մարդ: Առողջապահության համաշխարհային կազմակերպության տվյալներով Ռուսաստանում ապրում է շուրջ 15 հազար հեմոֆիլիայով հիվանդ, որոնցից 6 հազարը երեխաներ են:
