Տնտեսական

30 մլն դոլար վարկով կստեղծվի 250 մշտական եւ 1500 ժամանակավոր աշխատատեղ

hasmikdilanyan

Մարտի 13-ին Համաշխարհային բանկի գործադիր  տնօրենների խորհուրդը հաստատել է Սոցիալական ներդրումների ու տեղական զարգացման ծրագրով Հայաստանին հատկացված 30 մլն ԱՄՆ դոլար վարկը: Գումարն ուղղվելու է համայնքային ենթակառուցվածքների որակի բարձրացմանը: Ընդհանուր  վարկային ծրագիրը կազմում է  42,85 մլն դոլար, որից 11 մլն- ը ծրագրի ժամանակահատվածում համաֆինանսավորմամբ տրամադրելու է Հայաստանի կառավարությունը, 1,8 մլն դոլարը՝  շահառու համայնքների մասնակցության գումարն է, այն կրկին  տրվելու է ծրագրի ընթացքում, մնացորդը՝ 30 մլն Վերակառուցման ու զարգացման միջազգային բանկի  կողմից տրամադրվող  ճկուն վարկն է՝  14,5 տարի արտոնյալ ժամկետով ու 25 տարի մարման  ժամանակով: Կոնկրետ  30 մլն ԱՄՆ դոլար գումարի վերաբերյար այսօր Երևանում որոշ  մանրամասներ  է ներկայացրել  ՀԲ երևանյան գրասենյակի տնօրեն Լորա Բեյլին, ով նշել է, որ ծրագրով նախատեսված է ստեղծել  250 մշտական ու 1500 ժամանակավոր աշխատատեղեր։

Սոցիալական ներդրումների հիմնադրամին առաջիկայում փոխարինելու կգա  Տեղական զարգացման  հիմնադրամը: Թե երբ, դեռ պարզ չէ, հստակ է սակայն, որ ֆինանսավորման հիմնական գործառույթները նույնն են մնալու:Անցած 20 տարվա ընթացքում Հայաստանի սոցիալական ներդրումների հիմնադրամը  115,2 միլիոն ԱՄՆ դոլար է ֆինանսավորում է ստացել, իրականցրել ավելի քան 900 միկրոծրագրեր:  Գումարների 80 տոկոսն  ուղղվել են Հայաստանի խոցելի համայնքների ենթակառուցվածքների զարգացմանը:

Տեղական զարգացման  հիմնադրամը շարունակելու և ընդլայնելու է աշխատանքները՝ դրանք ավելի կայունացնելով: Հերթական  ծրագիրը ՀԲ գործադիր  տնօրենների խորհուրդը հաստատել է  մարտի 13-ին: Գումարը  կազմում է  30 մլն ԱՄՆ դոլար:

«Ծծրագրի արդյունքում կբարենորոգվեն, կբարկեարգվեն  դպրոցները, մանկապարտեզները, համայնքային կենտրոնները, ջրամատարակակումը, ինչպես նաև՝ բնակչության  կենսապայմանները կբարելավեն: Կարևոր արդյունք է նաև այն,որ կստեղծվի 250 մշտական ու 1500 ժամանակավոր աշխատատեղ»,- ասում է ՀԲ երևանյան գրասենյակի տնօրեն Լորա Բեյլին։

Սկզբնական շրջանում  աջակցություն կստանա 30 համայնք, իսկ ընդհանարպես մարզերը կընտրվեն նույն մոդելով,  ինչով որ մինչ այժմ ընտրվել էին Սոցիալական ներդրումների հիմնադրամի ծրագրերի  շրջանակներում:  Ծրագրի իրականացման ընթացքում հիմնականում համագործակցություն կլինի ՏԿ և ԱԻ նախարարության հետ:

Ընդհանուր  վարկային ծրագիրը կազմում է  42,85 մլն դոլար, որից  11 մլն.- ը ծրագրի ժամանակահատվածում համաֆինանսավորմամբ  տրամադրելու է Հայաստանի կառավարությունը,   1,8 մլն դոլարը՝  շահառու համայնքների մասնակցության գումարն է, այն կրկին  տրվելու է ծրագրի ըթնացքում, մնացորդը՝ 30 մլն Վերակառուցման ու զարգացման միջազգային բանկի  կողմից տրամադրվող  ճկուն վարկն է՝  14,5 տարի արտոնյալ ժամկետով ու 25 տարի մարման  ժամանակով:

Back to top button