Մայրաքաղաքում հասարակական տրանսպորտի վիճակը շարունակում է, մեղմ ասած, անմխիթարական մնալ։ Չնայած Երևանի քաղաքապետարանի՝ մեծ, միջին ու փոքր տարողության ավտոբուսների ներկրման քաղաքականությանը՝ մայրաքաղաքի հասարակական տրանսպորտից օգտվողները շարունակում են դժգոհել:
Այսօր քաղաքացիների դժգոհություններին հերթական անգամ միացել է Սպառողների միության նախագահ Արմեն Պողոսյանն ու մեկ անգամ ևս բարձրաձայնել էլեկտրատրանսպորտի զարգացման հեռանկարների մասին: Պողոսյանը նախընտրում է էլեկտրաէներգիայով աշխատող փոխադրամիջոցների շահագործումը՝ անգամ հոսանքի գների բարձրացման պարագայում:
Միկրոավտոբուսների ներկյաիս վիճակի բնութագրականը՝ ըստ Պողոսյանի. «Եթե տղա երեխան ծալապատիկ ողնաշարով է երթևեկում, նա ո՞նց կարող է մեզ վաղը պաշտպանել՝ խեղաթյուրված հոգեբանությամբ»։
