«Գելափ ինթերնեշնլ ասոցիացիայի» հայաստանյան ներկայացուցչության տնօրեն Արամ Նավասրադյանն այսօր ներկայացրել է կազմակերպության իրականացրած վերջին հետազոտության արդյունքները: Դրանք վերաբերում են Հայաստանում ընդդիմության գործունեությանը։ Հարցումն անցկացվել է նոյեմբերի ՝ ընդգծել են կազմակերպիչները և հորդորել հաշվի առնել քաղաքական իրավիճակների տարբերությունը տարեվերջին և այսօր:
Նոյեմբերի վերջին հանրապետության ողջ տարածքում ներկայացուցչական ընտրանքով 1067 քաղաքացիների շրջանում անցկացված հարցմամբ «Գելափի» հայաստանյան ներկայացուցչությունը փորձել է պարզել հանրության վերաբերմունքը ընդդիմադիր ուժերի և գործիչների նկատմամբ: Կազմակերպության ղեկավարն ասում է, որ դեկտեմբերին, երբ քաղաքական գործընթացներն ակտիվ էին, հարցման արդյունքերը պատրաստ էին, բայց չեն հրապարակել, որ չմեղադրվեն կողմնակալության և գործընթացների վրա ազդելու մեջ, այսօր իրենց այդ առումով կաշկանդված չեն զգում:
2014-ի նոյեմբերին ոչ իշխանական քառյակն արդեն վերածվել էր եռյակի և հանրահավաքներ էր անցկացնում : Հարցման կազմակերպիչները մարդկանց հարցրել են ՝ ի՞նչ հեռանկար են տեսնում եռյակի գործունեության համար: «40 %-ը նշել է, որ եռյակը դատապարտված է փլուզման, հանրահավաքները գնալով կնվազեն ՝ նշել է 25 %-ը, 20 %-ի կարծիքով՝ եռյակը պարբերաբար հավաքներ կկազմակերպի, իսկ 11-ի կարծիքով ՝ իշխանությունը բանակցություններ կսկսի եռյակի հետ և կառաջարկի իշխանական լծակներ»:
Հարցվածների մոտ 31 տոկոսը կարծել է, որ եռյակի ուժերն ունակ են ավելի լավ կառավարություն ձևավորել և բարելավել երկրի վիճակը, 52 տոկոսը հակառակ կարծիքն է եղել։
Ո՞վ է եռյակի ուժերից գաղափարական լիդերը. հարցին պատասխանելով՝ 35 տոկոսը նշել է ԲՀԿ-ն, 15 տոկոսը՝ ՀԱԿ-ը և 9 տոկոսը «Ժռանգությունը»: Արմեն Նավասարդյանը ուշագրավ է համարում «ոչ մեկը» պատասխանի տոկոսները: «Դժվարանում եմ պատասխանել և ոչ մեկը պատասխանել է հարցվածների 41 տոկոսը: Այսինքն՝ այդքանը եռյակում գաղափարական լիդեր չի տեսնում»։
Փոխարենը՝ շատ հստակ են պատասխանները հարցին, թե երեք ուժերից ո՞րն է եռյակի ֆինանսական լիդերը: Հարցվածների 61 տոկոսն առանց երկմտելու ԲՀԿ-ի անունն է նշել, եղել են նաև պատասխանողներ, որոնք որպես ֆինասական լիդեր եռյակում տեսել են «Ժառանգութայանն» ու ՀԱԿ-ին՝ 3-ական տոկոս։
Ո՞ր ուժն է ավելի ընդդիմադիր. հարցին պատասխանները հավասար են բաժանվել. 1-5 սանդղակով գնահատելով քաղաքական ուժերին ՝ հարցվածները փոքր-ինչ ավելի ընդդիմադիր համարել են «Ժառանգությանը», ապա՝ ԲՀԿ-ին և ՀԱԿ-ին։
Հարցաթերթում եղել է նաև հարց, թե որ քաղաքական գործիչներին են մարդիկ ամենաընդդիմադիրը համարում: Ամենաընդդիմադիրների եռյակը նոյեմբերին հարցվածների պատասխանների արդյունքնում այսպիսին է եղել՝ Զարուհի Փոստանջյան, Րաֆֆի Հովհաննիսյան և Նիկոլ Փաշինյան:
Ընդհանուր առմամբ՝ ցանկում մոտ երկու տասնյակ անուն կա: Ըստ «Գելափի»՝ ցուցակը եզրափակում են Արթուր Բաղդասրայանը, Ռոբերտ Քոչարյանն ու Հեղինե Բիշարյանը։
Եվ վերջում՝ պատասխաններից առավել ուշագրավը այն խորագիրն էր, որ կազմակերչպիչներն ընտրել էին հացման համար՝ «Ընդդիմադիր ըլլնեմ»: «Գուցե գրական չի, բայց շատ նկարագրական է»,- ասում է «Գալափի» ներկայացուցիչը։
Արման Նավասարդյանը բացատրեց. այդ խորագիրը շատ բնորոշ են համարել ընդդիմադիր դաշտին, այդ պատճառով էլ ընտրել են։ Մեր դիտարկումը, թե այսինքն սա նրանց վերաբրմունքն է ընդդիմադիր դաշտի նկատմամբ՝ ըստ էության չհերքվեց: Մյուս դիտարկումը, թե առնվազն մասնագիտական չէ, անպատասխան մնաց: «Ես հիմա այս խորագիրն եմ ընտրել մեր պրեզենտացիայի համար: Դուք կարող եք համաձայնել կամ չհամաձայնել: Դա ձեր կարծիքն է, իսկ մեր իրավունքն է հարցմանը տալ այն անվանումը, որը մենք կարծում ենք ճիշտ է և բնորոշ»։
