Քաղաքական

Խորհրդարանական 4 ուժերի նախաձեռնած արտահերթ նիստը հետաձգվում է մինչև հաջորդ քառօրյա

lusinevasilyan
Խորհրդարանական  4 ուժերի նախաձեռնած արտահերթ նիստը հետաձգվում է մինչև հաջորդ քառօրյա՝ հայտարարել են  ոչ իշխանական ուժերի ներկայացուցիչները այսօր խորհրդարանում վարչապետ Հովիկ Աբրահամյանի և 6  խմբկացությունների ներկայացուցիչների մասնակցությամբ տեղի ունեցած խորհրդակցությունից հետո: Կառավարության ղեկավարն ու  ոչ իշխանական ուժերը  համաձայնության են եկել փոփոխությունների միասնական նախագիծ մշակելու հարցի շուրջ՝  քննարկումից հետո ասել է ՕԵԿ խմբակցության ղեկավար Հեղինե Բիշարյանը:

Հիշեցնենք՝  ԲՀԿ, ՀԱԿ, ՕԵԿ և «Ժառանգություն» խմբակցությունները ստորագրահավաք էին նախաձեռնել՝  այսօր 18.30-ին արտահերթ նիստ հրավիրելու նպատակով, որի  ընթացքում պետք է քննարկվեին Շրջանառության հարկի մասին օրենքում ոչ իշխանական ուժերի  առաջարկած փոփոխությունները: Դրանց առանցքում երկու առաջարկ է ՝  կամավորության սկզբուքնի կիրառում և շրջանառության շեմի բարձրացում: ԲՀԿ խմբակցության քարտուղար Նաիրա Զոհրաբյանն ասել է, որ  առաջիկա քննարկումներում հենց այս առաջարկներն են պնդելու:

«Բնականաբար, մենք մեր սկզբուքները չենք զիջելու և մեր դիրքորոշումը առաջիկա երկշաբաթյա քննարկումներում հենվելու է հնեցա այդ սկզբուքների վրա: Կգանք համաձայնության՝ լավ, չենք գա՝  հաջորդ քառօրյային արտահերթ նիստ հրավիրելու մեր առաջարկը մնում է ուժի մեջ»:

Back to top button