Թուրքիայի վարչապետ Ահմեթ Դավութօղլուն հայտարարել է, թե իրենք վաղ թե ուշ մտնելու են Եվրոպական միություն: Ինչպես տեղեկացնում է թուրքական «Անադոլու» գործակալությունը, Դավութօղլուն դրա մասին հայտարարել է Շվեյցարիա այցի ընթացքում՝ հանդիպելով երկրում բնակվող թուրքերի հետ: Թուրքիայի վարչապետը նաև հայտարարել է, թե մահմեդականությունը Եվրոպայի իրական կրոնն է և շարունակելու է այդպես մնալ: Անդրադառնալով Եվրամիությանը Թուրքիայի անդամակցության ծրագրերին՝ Դավութօղլուն ասել է. «Մի օր Թուրքիան անպայման Եվրամիություն կմտնի: Սակայն կմտնի առանց խնդրելու, գլուխը բարձր, մեր կրոնով, մեր լեզվով»:
