Իրանի մայրաքաղաքի Էնղելաբ հրապարակում այսօր կանգնեցվել է սեղմված բռունցքի տեսքով մոնումենտալ հուշարձան՝ նվիրված երկրի հանգուցյալ գերագույն առաջնորդ այաթոլլա Ալի Խամենեիին։
Արձանի բացումը համընկել է հուլիսի 3-ին Թեհրանի Խոմեյնիի դամբարանում մեկնարկած բազմօրյա պաշտոնական սգո միջոցառումների հետ։
Իրանի պետական լրատվամիջոցների փոխանցմամբ՝ նոր հուշարձանը խորհրդանշում է «դիմադրություն ու անկոտրում կամք»։
Երկրի Գերագույն առաջնորդի մահից հետո Իրանի նոր հոգևոր առաջնորդ է ընտրվել նրա որդին՝ Մոջթաբա Խամենեին։ Նա անվտանգության նկատառումներից ելնելով չի մասնակցի հոր հուղարկավորության արարողություններին։ Այս մասին հայտարարել է Հնդկաստանում նրա ներկայացուցիչ այաթոլլահ Հաքիմ Էլահին։
Էլահին հայտարարել է, որ գերագույն հոգևոր առաջնորդի ներկայությունը հանրությանը «վտանգավոր» էր Իսրայելի սպառնալիքների և հետապնդման ռիսկի պատճառով։
Այաթոլլահ Ալի Խամենեին սպանվել է չորս ամիս առաջ՝ փետրվարի 28-ին, Իրանի դեմ ամերիկաիսրայելական պատերազմի առաջին օրերին։
