Ռեկորդային շոգ և անտառային հրդեհներ Եվրոպայում

Եվրոպայում պահպանվում է անոմալ շոգ եղանակը։ Ֆրանսիայում, Իսպանիայում, Միացյալ Թագավորությունում,Բելգիայում, Նիդեռլանդներում, Շվեյցարիայում և Գերմանիայում ռեկորդային բարձր ջերմաստիճաններ են գրանցվում։ Գերմանիայի ազգային օդերևութաբանական ծառայության տվյալներով՝  տարվա այս շրջանում երբեք այսքան երկարատև և ինտենսիվ շոգ չի եղել։ Իսկ Ֆրանսիայի հարավում անտառային խոշոր հրդեհներ են մոլեգնում։ Օդերևութաբանները կանխատեսում են, որ տարածաշրջանի մի շարք հատվածներում օդի ջերմաստիճանը կարող է հասնել մինչև +46.1°C-ի։