Եվրամիության անդամ երկրները համաձայնության են եկել միգրացիոն քաղաքականության խստացման շուրջ։ Համաձայն նոր իրավական կարգավորումների՝ ովքեր չունեն ԵՄ երկրներում մնալու իրավունք, կարող են արտաքսվել միության սահմաններից դուրս՝ երրորդ երկրներում ստեղծվելիք հատուկ կենտրոններ։ Հասարակական կազմակերպությունները շեշտում են ոչ միայն նոր կարգավորումների խիստ լինելը, այլև հայտարարում են Եվրամիության նոր միգրացիոն քաղաքականության մեջ այլատյացության տարրերի առկայության մասին։
