Այսօր Հայաստանն ընտրություն է կատարում՝ առաջիկա տարիների համար ձևավորելով իշխանության բարձրագույն մարմինը՝ խորհրդարանը։ Նախորդ շաբաթներին ու ամիսներին շատ ենք խոսել քաղաքական ուժերի ներկայացուցիչների, վերլուծաբանների հետ, թե ինչ են նշանակում այս ընտրությունները և ինչպիսի արդյունքներ ու զարգացումներ կունենանք։
Բայց պակաս կարևոր չէ (գուցե մեր պարագայում ավելի կարևոր է) այն, թե ինչպես են անցնում ընտրությունները, ինչպես է անցնում այս օրը։ Հյուրընկալել ենք «Ականատես» համատեղ դիտորդական առաքելության ներկայացուցիչ, «Թրանսփարենսի Ինթերնեյշնլ» հակակոռուպցիոն կենտրոնի գործադիր տնօրեն Սոնա Այվազյանին։
Յուրաքանչյուր կիրակի «Կիրակի» հաղորդման եթերում Սարգիս Հարությունյանն անդրադառնում է անցած շաբաթվա Հայաստանի ներքին ու արտաքին քաղաքական, անվտանգային, տնտեսական, իրավական, ինչպես նաև միջազգային կարևորագույն զարգացումներին։
