Կենտրոնական ընտրական հանձնաժողովը նիստ է անցկացնում ԱԺ ընտրությունների վերջնական արդյունքներն ամփոփելու համար։
Բացի վերջնական արդյունքներից՝ նիստում քննարկվելու է 3 տեղամասերում վերաքվեարկություն անցկացնելու հարցը, ինչպես նաև ընտրություններն անվավեր ճանաչելու «Ուժեղ Հայաստանի» և «Միասնության Թևերի» դիմումները:
Վարչական դատարանն ավելի վաղ մերժել էր «Բարգավաճ Հայաստան» կուսակցության՝ ԿԸՀ-ի դեմ ներկայացված երկու հայցերը։
Ավելի վաղ ԿԸՀ-ն անվավեր էր ճանաչել 35/65, 10/51 և 12/13 ընտրական տեղամասերի քվեարկության արդյունքները։
Ընտրությունների արդյունքները կորոշեն, թե արդյոք Գագիկ Ծառուկյանի ընդդիմադիր «Բարգավաճ Հայաստան» կուսակցությունը (ԲՀԿ) կհաղթահարի՞ օրենսդիր մարմին մտնելու համար անհրաժեշտ 4% շեմը։
Ընդդիմադիր քաղաքական ուժերը՝ Սամվել Կարապետյանի «Ուժեղ Հայաստան» դաշինքը, նախկին նախագահ Ռոբերտ Քոչարյան «Հայաստան» դաշինքը և ԲՀԿ-ն, կոչ են արել իրենց համակիրներին ժամը 18:00 ին հավաքվել Կենտրոնական ընտրական հանձնաժողովի շենքի մոտ։
Հայաստանում խորհրդարանական ընտրությունները տեղի են ունեցել հունիսի 7-ին։ Կենտրոնական ընտրական հանձնաժողովի բոլոր 2005 ընտրատեղամասերից նախնական տվյալների համաձայն՝ վարչապետ Նիկոլ Փաշինյանի իշխող «Քաղաքացիական պայմանագիր» կուսակցությունը ստացել է ձայների 49.825%-ը։ Գործարար Սամվել Կարապետյանի «Ուժեղ Հայաստան» դաշինքը ստացել է 23.281%, իսկ նախկին նախագահ Ռոբերտ Քոչարյանը՝ 9.934%։ Գործարար Գագիկ Ծառուկյանի «Բարգավաճ Հայաստան» կուսակցությունը ստացել է 3.996% և չի կարողացել մտնել խորհրդարան։ Մասնակցությունը կազմել է 58.97%։
