Վարչական դատարանը մերժել է «Բարգավաճ Հայաստան» կուսակցության՝ ԿԸՀ-ի դեմ ներկայացված երկու հայցերը, ֆեյսբուքի իր էջում գրել է ԲՀԿ մամուլի խոսնակ Իվետա Տոնոյանը։
«Սիրելի՛ հայրենակիցներ, թեև Վարչական դատարանը մերժել է «Բարգավաճ Հայաստան» կուսակցության՝ ԿԸՀ-ի դեմ ներկայացված երկու հայցերը, սակայն դատավոր Արթուր Ավագյանը արձանագրել է խախտում և վերաքվեարկություն նշանակելու անհրաժեշտություն»,-նշել է Տոնոյանը։
Ավելի վաղ Իվետա Տոնոյանը հայտնել էր, որ Վարչական դատարանը կքննի ԲՀԿ-ի ներկայացրած հայցերը ԿԸՀ-ի 254 և 255 Ա որոշումների դեմ, որոնցով երկու ընտրատեղամասերում անվավեր են ճանաչվել քվեարկության արդյունքները։
