Ընտրատեղամաս ներկայանալիս քաղաքացիները պետք է ունենան անձը հաստատող չորս փաստաթղթերից մեկը՝ նույնականացման քարտ, կենսաչափական անձնագիր, ոչ կենսաչափական անձնագիր կամ Միգրացիայի և քաղաքացիության ծառայության կողմից տրված փոխարինող վկայական, ասուլիսում հայտարարել է ԿԸՀ քարտուղար Արմեն Սմբատյանը։
Նրա փոխանցմամբ՝ ընտրողը պետք է քվեարկության գնա վավերական փաստաթղթով, սակայն դրա բացակայության դեպքում թույլատրվում է ընտրությանը մասնակցել նաև ժամկետանց փաստաթղթով։ Այդուհանդերձ, գործում է բացառություն.
«Եթե ընտրողը վերջին 6 ամսում չի ունեցել վավեր փաստաթուղթ, նա ընտրողների ցուցակում չի լինի»,- պարզաբանել է Արմեն Սմբատյանը։
Նման դեպքերում քաղաքացիները ստիպված կլինեն այցելել լիազոր մարմին, վերցնել համապատասխան տեղեկանք և քվեարկել բացառապես լրացուցիչ ցուցակով։
