Լուսինե Վասիլյան
«Ռադիոլուր»
Ազգային ժողովը շարունակում է քննարկել Եվրասիական տնտեսական միության պայմանագրին Հայաստանի միանալու հարցը: Քննարկումը սկսվել է երեկ, հիմնական զեկուցողը ֆինանսաների փոխնախարար Սուրեն Կարայանն է: Նրան հարցեր ուղղելու համար հերթագրվել է մոտ երկու տասնյակ պատգամավոր: Հարցերը հիմնականում տնետսական բնույթի են:
ՀԱԿ խմբակցության պատգամավոր Հրանտ Բագրատյանն, օրինակ, փոխնախարարից հետաքրքվել է, թե ինչ հաշվարկների վրա է հիմնված կանխատեսումը, որ ԵՏՄ-ին միանալը մոտ 2% լրացուցիչ տնտեսական աճ կապահովի Հայաստանի կամ ինչ մեթոդներով է չափվել, որ անդամակցությունից հետո ներդրումները մեր երկրում կաճեն:
«ԵՏՄ-ին միանալու դեպքում կանխատեսվող լրացուցիչ աճը կարող է լինել 1.2-2.5%, սակայն դրա արձագանքը կլինի հաջորդ տարվա կեսից և արդյունքը շոշափելի կլինի 2016-ից: Իակ թե ինչու ներդրումները կաճեն, և ոչ թե հակառակը տեղի կունենա, որովհետև ներկայումս մենք ավելի լավ դիրքերում ենք գտնվում, քան մեր գործընկեր մյուս երկրները, ինչը ենթադրում է, որ ներդրումները ՀՀ կկատարվեն»:
