Աստրախանի մարզում փոխնախարարը «մահացել» է՝ քրեական պատասխանատվությունից խուսափելու համար

Աստրախանի մարզի կոմունալ-բնակարանային տնտեսության նախկին առաջին փոխնախարար Մարիաննա Ստուպինան քրեական պատասխանատվությունից խուսափելու համար բեմադրել է սեփական մահը, հայտնում է ՌԴ Քննչական կոմիտեն։

2012 թվականին նա դատապարտվել էր յոթ տարվա ազատազրկման՝ փողերի յուրացման համար։ Դատավճռի հրապարակումից հետո փոխնախարարը լքել էր Աստրախանի մարզը եւ որոշ ժամանակ ապրել  Թաթարստանում։ Որոնման մեջ գտնվելով՝ հետեւել էր անհետ կորածների մասին հրապարակվող լուրերի։ Այդպես իմացել էր, որ Նովոսիբիրսկի մարզում հայտնաբերել են իրեն նման մի կնոջ դիակ։ Ստուպինան ամուսնուն ուղարկել էր այնտեղ, որտեղ էլ նա մահացծին ճանաչել էր որպես իր կնոջը։

Դրանից հետո նախկին փոխնախարարը վերադարձել էր Աստրախանի մարզ եւ 13 տարի վարել, ըստ էության, գաղտնի կյանք։  

Քննչական կոմիտեում 2010 թվականին տեղի ունեցած երկու բնակիչների սպանության գործի շրջանակում պարզել են Աստրախանի մարզի կոմունալ-բնակարանային տնտեսության նախարարության պաշտոնյաների կողմից հափշտակված փողերի կանխիկացմա դեպք։ Այս քննության ընթացքում էլ պարզվել է նախկին փոխնախարարի գտնվելու վայրը։ Այժմ նրան ուղարկել են ուղղիչ գաղութ՝ պատիժը կրելու համար։

Քննչական կոմիտեն սպանության մեջ կասկածում է նախկին նախարարին ու պնդում, որ Մարիաննա Ստուպինան սպանության հետ կապ չունի։