Փոքրաթիվ լրագրողների արածի համար վճարում են բոլորը, այդ թվում՝ հասարակությունը։ «Հանրամեդիա» հաղորդմանն այդ մասին ասել է «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը։ Նրա խոսքով, լրատվական դաշտում կարգավորումներ հստակ անհրաժեշտ են։
Հանրային ռադիոյի եթերում հեռարձակվող «Հանրամեդիա» հաղորդմանը բանախոսները Լևոն Սարդարյանի հետ քննարկում են մեդիայի առաքելությունը, ներկայիս խնդիրները, ապագան։
Հասարակական գործիչ Գարեգին Միսկարյանն էլ կարծում է, թե տեխնոլոգիաների զարգանալուն զուգահեռ մամուլի կարգավորումները մնացել են նախորդ դարում, բայց իրականում կարգավորման օբյեկտը չկա արդեն։
