ՌԴ-ն ԱՄՆ-ին «ոչ պաշտոնական փաստաթուղթ» է փոխանցել, որով կրկնել է պատերազմի դադարեցման վերաբերյալ իր պայմանները, հայտնում է Reuters-ը։
Գործակալության տվյալներով՝ Ռուսաստանը կրկին հաստատել է Ուկրաինայի հետ խաղաղ համաձայնության հասնելու իր նախորդ պայմանները «մասնավոր հուշագրով», որը Վաշինգտոն է ուղարկվել անցած շաբաթավերջին։
Գործակալության զրուցակիցների խոսքով՝ այդ «ոչ պաշտոնական փաստաթղթում» ներառված է պահանջ, ըստ որի՝ ՌԴ-ն պետք է լիակատար վերահսկողություն հաստատի Դոնբասի նկատմամբ։
Reuters-ը նշում է, որ «ոչ պաշտոնական փաստաթղթի» մասին տեղեկությունը հայտնվել է այն ժամանակ, երբ Բուդապեշտում Թրամփի եւ Պուտինի հնարավոր հանդիպման կայացման շուրջ կասկածներ են առաջացել։
Սպիտակ տան ներկայացուցիչը երեքշաբթի օրը հայտնել է, որ նման հանդիպում «մոտ ապագայում» չի նախատեսվում։
