Ուկրաինայի և եվրոպական երկրների իշխանությունները պատրաստում են 12 կետից բաղկացած ծրագիր պատերազմը դադարեցնելու համար: Դրանցից մեկը Ռուսաստանի նկատմամբ պատժամիջոցների վերացումն է, երեքշաբթի՝ հոկտեմբերի 21-ին, հաղորդել է Bloomberg-ը՝ հղում անելով անանուն աղբյուրներին, հայտնում է Deutsche Welle-ն։
Կիևը պատրաստ է հաստատել Ռուսաստանի նկատմամբ պատժամիջոցների վերացումը:
Լրագրողների խոսքով՝ ծրագիրը նախատեսում է հրադադար, ճակատում ցանկացած առաջխաղացման դադարեցում, բոլոր արտաքսված երեխաների վերադարձ Ուկրաինա և գերիների փոխանակում:
Դրանից հետո Ուկրաինան պետք է ստանա անվտանգության երաշխիքներ և միջոցներ՝ պատերազմի պատճառած վնասը վերականգնելու համար, ինչպես նաև հնարավորություն՝ հնարավորինս շուտ միանալու Եվրամիությանը:
Ծրագրով նաև նախատեսվում է, որ Ռուսաստանի նկատմամբ պատժամիջոցներն աստիճանաբար կվերացվեն: Միևնույն ժամանակ, Ռուսաստանի Կենտրոնական բանկի սառեցված պահուստներից մոտ 300 միլիարդ դոլարը կվերադարձվի Մոսկվային միայն այն դեպքում, երբ նա համաձայնվի նպաստել Ուկրաինայի հետպատերազմյան վերականգնմանը:
Ծրագրում նշվում է, որ պատժամիջոցները կարող են վերականգնվել, եթե Ռուսաստանը կրկին հարձակվի Ուկրաինայի վրա:
