Ռաբիզացումը պետական հետևողական քաղաքականության հետևանք է, որը շարունակվում է մինչ օրս։ Լևոն Սարդարյանի հեղինակային «Առանց տողատակի» հաղորդմանն այդ մասին ասել է երգիչ, երգահան Վահան Արծրունին։
Լևոն Սարդարյանն ու երգահանը զրուցում են մշակույթի, երաժշտության, հանրության երաժշտական ճաշակի մասին։
Արծրունու խոսքով, ռաբիզի հիմքում ոչ թե հայկական մելոսն է, այլ տաճկական, ասիական, ավելին, ռաբիզն ասիական տրադիցիայի աղավաղումն է։ Երգահանը նշել է, թե հասուն մարդկանց դժվար է հասկացնել, որ այն ինչ սիրել են, հիմքում այլ ավանդույթ ունի։
