Պակիստանի Բելուջիստան նահանգում զինվորական դպրոցական ավտոբուսի վրա տեղի ունեցած մահապարտ ահաբեկչի հարձակման հետևանքով զոհվել է 5 մարդ, այդ թվում 3 երեխա։ Ավտոբուսում եղել է մոտ 40 աշակերտ, մի քանիսը վիրավորվել են։
Ավտոբուսում, որը ուղևորվում էր բանակի կողմից կառավարվող դպրոց, մոտ 40 աշակերտ է եղել, որոնցից մի քանիսը վիրավորվել են, ասել է Խուզդար շրջանի վարչական ղեկավար Յասիր Իքբալը, որտեղ տեղի է ունեցել միջադեպը։
Պակիստանի զինվորականները և վարչապետ Շեհբազ Շարիֆը արագորեն հայտարարություններ են տարածել, որոնցում դատապարտել են բռնությունը և մեղադրել «հնդկական ահաբեկչական միջնորդներին» հարձակմանը մասնակցելու մեջ։ Նրանք, սակայն, որևէ ապացույց չեն ներկայացրել։
Հնդկաստանի արտաքին գործերի նախարարությունը հերքել է մեղադրանքները՝ մեղադրելով Պակիստանին ներքին խնդիրների պատասխանատվությունը այլ կողմերի վրա բարդելու մեջ։
Հնդկաստանի և Պակիստանի միջև լարվածությունը շարունակվում է մայիսի 10-ին հրադադարի մասին համաձայնագրից հետո։
Որևէ խմբավորում դեռ չի ստանձնել հարձակման պատասխանատվությունը։ Միջադեպը հիշեցնում է 2014-ին Պեշավար քաղաքում գտնվող ռազմական դպրոցի վրա հարձակումը, որի հետևանքով զոհվել էր ավելի քան 130 երեխա։
