Հայաստանում ԵՄ պատվիրակության ղեկավարն այցելել է Հանրային ռադիո

Ճանաչողական այցի շրջանակում Հայաստանի հանրային ռադիոյում հյուրընկալվել է Հայաստանում Եվրոպական Միության պատվիրակության ղեկավար, արտակարգ և լիազոր դեսպան Վասիլիս Մարագոսը։

Հանդիպման ընթացքում քննարկվել են Եվրոպական Միության ծրագրերի շրջանակում Հայաստանի հանրային ռադիոյի և պատվիրակության գրասենյակի միջև համագործակցության հնարավորությունները։