Լևոն Սարդարյանի հեղինակային «Առանց տողատակի» հաղորդման ընթացքում նման կարծիք է հայտնել «Ազատ քաղաքացի» ՀԿ նախագահ, քաղաքական վերլուծաբան Հովսեփ Խուրշուդյանը։
Ըստ նրա, եթե վրացական գործող իշխանությունը գնա ժողովրդավարական արժեքների ոտնահարման ուղիով, դրա արդյունքում Վրաստանը կհայտնվի արևմտյան պատժամիջոցների տիրույթում, ինչն էապես կբարդացնի Հայաստանի անվտանգային խնդիրների լուծումը։
Միաժամանակ, ըստ Խուրշուդյանի, պակաս կարևոր չեն նաև Սիրիայում տեղի ունեցող իրադարձությունները, քանի որ դրանք կարող են էապես թուլացնել Ռուսաստանի ազդեցությունն ու, արդյունքում, նպաստել նաև Հարավային Կովկասից Մոսկվայի դուրս մղմանը։
