Ի՞նչ եղավ, երբ երգեցին շվոտին՝ չար ոգուն քշելու երգը․ բանասաց Սուսաննա Բարիկյան․ «Ասացողը»

Սուսաննա Բարիկյանի հայրը Բասենից էր, քարտաշ, որմնադիր էր։ Պապը ֆիդայի էր, մեծ պապը՝ քահանա, մայրն էլ ավանդապաշտ բնիկ վանեցի։ Սուսաննան հասել է Վան, բերդաքաղաքից նայել Վանա լճին ու զգացել, թե հայրենիքի ինչ ծանր կարոտով են ապրել տատն ու պապը։

Որպեսզի իր մեջ վանեցու արյունը չսառի, պահպանում է իր մեծերից ժառանգած  վարքն ու բարքը, նրանց պարերն է պարում ու երգերն է երգում  «Վան» ազգագրական համույթում։