Հունգարիայի մայրաքաղաք Բուդապեշտում Համաշխարհային շախմատային օլիմպիադայի վերջին տուրում Հայաստանի հավաքականը 2,5:1,5 հաշվով հաղթել է իրանցիներին։
Հայկ Մ․ Մարտիրոսյանը հաղթել է Փարհամ Մաղսուդլուին։ Շանթ Սարգսյանը ոչ ոքի է խաղացել Ամին Տաբատաբաեի հետ։ Ռոբերտ Հովհաննիսյանը պարտվել է Բարդիա Դանեշվարին։ Կարեն Գրիգորյանը հաղթել է Սինա Մովահեդին:
Հայաստանի հավաքականը վաստակեց 17 միավոր եւ լրացուցիչ ցուցանիշով 6-րդն է։ Նույնքան միավոր ունեն նաեւ ԱՄՆ-ի, Ուզբեկստանի, Չինաստանի եւ Սերբիայի հավաքականները, որոնք այս հերթականությամբ 2-5-րդ տեղերում են։
Չեմպիոնի տիտողը նվաճել է Հնդկաստանը՝ 21 միավոր։
