Լուսանկարի միջոցով կարող եմ խոսել տարազի մասին. լուսանկարիչ, դիզայներ Էմմա Մարաշլյան. «Հաջողության նոտա»

Դպրոցական տարիներին Մոսկվա տեղափոխված Էմմա Մարաշլյանն ավարտել է Սեչենովի անվան բժշկական ակադեմիան։ Որպես դեղագետ-տեխնոլոգ սկսել է աշխատել դեռ ուսանողական տարիներից։

Երկար տարիներ հոգու խորքում պահել է սերը արվեստի, լուսանկարչության հանդեպ, ընտանիք կազմելուց հետո սկսել է զբաղվել լուսանկարչությամբ։ 2010-ին տեղափոխվելով Հայաստան՝ որոշ ժամանակ անց հիմնել է «Մարաշլեան» ֆոտոատելիեն՝ առաջին պրոֆեսիոնալ ֆոտոստուդիան Հայաստանում, որը մասնագիտացած է ազգային հագուստներով ընտանեկան ֆոտոսեսիաներ անցկացնելու մեջ։