Հայաստանը պատրաստ է ապահովել կապը Ադրբեջանի և Նախիջևանի միջև, սակայն Հայաստանի ինքնիշխանությունը, իրավազորությունն ու տարածքային ամբողջականությունը ոչ մի կերպ չեն կարող կասկածի տակ դրվել՝ այսօր լրագրողների հետ հանդիպման ժամանակ ասել է վարչապետ Նիկոլ Փաշինյանը։
«Տարածաշրջանային հաղորդակցությունները մինչ այժմ չեն բացվել, այդ թվում նաև մի շարք ռուս գործընկերների մեկնաբանությունների պատճառով, որոնք կապ չունեն կամ հակասում են նոյեմբերի 9-ի հայտարարության տրամաբանությանը»,- ասել է վարչապետը։
Նա ընդգծել է, որ Հայաստանը լրջորեն շահագրգռված է, որ տարածաշրջանային կոմունկցիաները բացվեն, և պատրաստ է հենց վաղվանից սկսել «Խաղաղության խաչմերուկ» նախագծի իրականացումը:
Վարչապետ Փաշինյանն ասել է, որ նախագծի վերաբերյալ աջակցության նամակներ է ստանում տարբեր երկրների ղեկավարներից, ինչպես նաև ռուս մի շարք գործընկերներից։
